Maju est su mese de sas arrosas
E po cussu lu cherzo fentomare
Apena mi ponzo a bi pensare
Mi faghet ammentare tantas cosas
Sas giovanas si faghian’ a isposas
In parz’e cresia fit a s’incontrare
Como sa moda no est prus gasie
Si faghen a isposan dogni die
Sa prima dominiga de maiu in allegria
Po fagher festa fit s’occasione
Si pediat sa linna po su foghillone
Chi s’azzendiat po Santa Maria
Sos pastores sas arbeghes si tundian
Biat cos’e pappare e buffa a muntone
A su seneghesu li manca cussu solu
Poite no est po natura festaiolu
Como sa cosa est meda cambiada
Ses calmada de bottu s’allegria
Cun custa malaitta e pandemia
Ido sa zente es tottu disperada
(Tv)e giornales cantu c’ada
Foedda solu e custa cosa ebbia
Pregamos tando a Maria e sa Rosa
Si potet debbellare custa cosa.
Domenico Catzeddu Lucchete
Foto per gentile concessione di Giorgio Putzolu e diverse famiglie di Seneghe.
